برطانوی ریسرچ ادارے کی اسرائیل، امریکا اور ایران جنگ پر سروے رپورٹ جاری

لندن (صداۓ سچ نیوز) ایک برطانوی ریسرچ ادارے کے حالیہ سروے میں اسرائیل، امریکا اور ایران کے درمیان ممکنہ جنگ کے تناظر میں برطانوی عوام کی رائے سامنے آگئی ہے۔

سروے کے مطابق 49 فیصد برطانوی شہری امریکا کی ایران کے خلاف جنگ کی مخالفت کرتے ہیں جبکہ 28 فیصد نے اس کی حمایت کی، باقی شرکاء نے اس معاملے پر کسی رائے کا اظہارنہیں کیا۔

سروے میں یہ سوال بھی شامل تھا کہ آیا برطانیہ کو امریکا کو اپنے فوجی اڈے استعمال کرنے کی اجازت دینی چاہیے یا نہیں۔

نتائج کے مطابق 50 فیصد افراد اس کی مخالفت میں ہیں، جبکہ 32 فیصد نے امریکا کو اڈوں کے استعمال کی اجازت دینے کی حمایت کی۔

یاد رہے کہ برطانوی وزیراعظم نے حالیہ کشیدگی کے دوران امریکا کو فضائی دفاع کے لیے برطانیہ کے اڈوں تک محدود رسائی کی منظوری دی تھی۔

تجزیہ کاروں کے مطابق سروے نتائج ظاہر کرتے ہیں کہ ایران کے معاملے پر برطانوی عوام واضح طور پر منقسم ہیں اور حکومت کی پالیسی پر بھی سوالات اٹھ رہے ہیں۔