چین کا جوہری آبدوز سے بحرالکاہل کی جانب میزائل تجربہ، امریکا اور اتحادی ممالک کا اظہارِ تشویش

بیجنگ (صداۓ سچ نیوز) چین نے جوہری توانائی سے چلنے والی آبدوز سے بحرالکاہل کی جانب بیلسٹک میزائل کا تجربہ کیا ہے، جس پر امریکا، جاپان، آسٹریلیا، نیوزی لینڈ اور تائیوان نے تشویش کا اظہار کیا ہے۔

چینی سرکاری نشریاتی ادارے سی سی ٹی وی (CCTV) کے مطابق یہ میزائل تجربہ سالانہ فوجی مشقوں کا معمول کا حصہ تھا اور اس کا مقصد کسی مخصوص ملک یا ہدف کو نشانہ بنانا نہیں تھا۔

سرکاری اخبارگلوبل ٹائمز نے ایک فوجی ماہر نےبتایا کہ داغا گیامیزائل غالبا جے ایل تھری تھا،جو چین کا جدید ترین آبدوز سے داغا جانے والا بیلسٹک میزائل ہے اورگزشتہ سال فوجی پریڈ میں پہلی بار عوام کے سامنے پیش کیا گیا تھا۔

امریکی محکمہ دفاع پینٹاگون کی ایک رپورٹ کے مطابق جے ایل تھری میزائل امریکا کے براعظمی حصے تک مار کرنے کی صلاحیت رکھتا ہے

چینی حکام کا کہنا ہے کہ یہ میزائل تجربہ دفاعی مشقوں کا حصہ تھا اور اس کا مقصد کسی بھی ملک کو نشانہ بنانا یا خطے میں کشیدگی پیدا کرنا نہیں تھا