چینی صدر شی جن پنگ اور روسی صدر پیوٹن کی ملاقات، عالمی کشیدگی کم کرنے پر زور

چینی صدر شی جن پنگ اور روسی صدر ولادیمیر پیوٹن کے درمیان اہم ملاقات ہوئی، جس میں عالمی صورتحال،مشرق وسطیٰ کی کشیدگی اور دوطرفہ تعلقات پر تبادلہ خیال کیا گیا۔

چینی صدرشی جن پنگ نےکہاکہ امریکا اور ایران کےدرمیان مذاکرات اس وقت انتہائی اہمیت کے حامل ہیں اور خطےمیں بڑھتی ہوئی کشیدگی کو روکنا ضروری ہے،جنگ کو روکنا ہوگا، کیونکہ مزیدکشیدگی بڑھانا دانشمندی نہیں۔

شی جن پنگ کاکہنا تھاکہ جنگوں کے خاتمے سےعالمی تجارتی معاملات میں حائل رکاوٹیں کم ہوں گی،جبکہ دنیا اس وقت دوبارہ “جنگل کے قانون”کی طرف جانے کے خطرے سےدوچار ہے،روس اورچین کے تعلقات غیر معمولی سطح کے ہیں اور دونوں ممالک کو ایک دوسرے کی ترقی کیلئے تعاون جاری رکھنا چاہیے۔

یہ بھی پڑھیں: ‘ میناب اسکول سے متعلق امریکا کا دعویٰ بے بنیاد، من گھڑت اور خوفناک جھوٹ ہے’ ترجمان ایرانی وزارت خارجہ

چینی صدر نےکہاروس اورچین کےاقتصادی تعلقات مثبت رفتار سے آگےبڑھ رہےہیں،جبکہ مشرق وسطیٰ کے بحران کے دوران روس ایک قابل اعتماد توانائی فراہم کنندہ ثابت ہوا ہے، روسی اور چینی تعلقات عالمی استحکام اور توازن کے فروغ میں مددگار ثابت ہو رہے ہیں۔