سونے اور چاندی کی قیمتوں میں ایک دن کے وقفے کے بعد بڑا اضافہ

عالمی اور مقامی مارکیٹوں میں ایک دن کے وقفے کے بعد سونے اور چاندی کی قیمتوں میں اضافہ ہوگیا۔

صرافہ ایسوسی ایشن کے مطابق مقامی مارکیٹ میں 24 قیراط فی تولہ سونے کی قیمت 2 ہزار 800 روپے اضافے کے بعد 4 لاکھ 40 ہزار 636 روپے ہوگئی۔

اسی طرح 10 گرام سونے کی قیمت بھی 2 ہزار 401 روپے بڑھ کر 3 لاکھ 77 ہزار 774 روپے پر پہنچ گئی۔

صرافہ ایسوسی ایشن کے مطابق عالمی مارکیٹ میں فی اونس سونے کی قیمت 28 ڈالر اضافے کے بعد 4 ہزار 181 ڈالر ہوگئی۔

دوسری جانب مقامی مارکیٹ میں چاندی بھی مہنگی ہوگئی۔ فی تولہ چاندی کی قیمت 108 روپے اضافے کے بعد 6 ہزار 256 روپے ہوگئی۔