ایران کی تازہ ترین تجاویز میں جنگ بندی میں لبنان کو شامل کرنےکے مطالبے پر بھی زور دیا گیا ہے، حزب اللہ کا دعویٰ

تہران (صداۓ سچ نیوز) حزب اللہ نے کہا ہےکہ ایران نے اشارہ دیا ہےکہ وہ اس کی حمایت جاری رکھے گا اور جنگ بندی کے مذاکرات میں اسے تنہا نہیں چھوڑےگا۔

عرب میڈیا کے مطابق  حزب اللہ نے کہا ہے کہ اس کے سربراہ نعیم قاسم کو ایرانی وزیر خارجہ عباس عراقچی کی جانب سے ایک پیغام موصول ہوا ہے۔

حزب اللہ کے مطابق  پیغام میں کہا گیا ہے کہ ایران انصاف اور آزادی کا مطالبہ کرنے والی تحریکوں بالخصوص حزب اللہ کی حمایت سے دستبردار نہیں ہوگا۔

یہ بھی پڑھیں: فیلڈ مارشل کا دورہ ایران مکمل، حتمی مفاہمت کی طرف حوصلہ افزا پیشرفت ہوئی، آئی ایس پی آر

حزب اللہ نے مزید کہا کہ پاکستانی ثالثوں کے ذریعے پہنچائی گئی ایران کی تازہ ترین تجویز کا مقصد  جنگ کا مستقل اور  پائیدار خاتمہ  ہے، جنگ بندی میں لبنان کو شامل کرنے کے مطالبے پر بھی زور دیا گیا ہے، کیونکہ لبنان کے شہروں اور دیہاتوں پر اسرائیلی حملے مسلسل جاری ہیں۔