آپریشن وعدہ صادق 4 کی 95 ویں لہر، ایران کے خطے میں امریکی فوجی تنصیبات پر قاسم، خیبر شکن اور غدیر میزائلوں سے حملے

تہران (صداۓ سچ نیوز) ایرانی پاسدارانِ انقلاب نے اعلان کیا ہے کہ آپریشن وعدہ صادق 4 کی 95ویں لہر کے تحت کویت، بحرین، متحدہ عرب امارات اور اسرائیل میں متعدد مقامات کو نشانہ بنایا گیا۔

ایرانی پاسدارانِ انقلاب کے مطابق یہ کارروائی“یا حسن ابنِ علی” کے کوڈ کے تحت انجام دی گئی،  کارروائی میں قاسم، خیبر شکن اور غدیر میزائل استعمال کیے گئے۔

پاسدارانِ انقلاب کے مطابق اس کارروائی میں جن اہداف کو نشانہ بنایا گیا ان میں امریکی فوجی تنصیبات، اسرائیل سے وابستہ ایک تجارتی جہاز اور اسرائیل کے کئی علاقے شامل تھے، جن پر مختلف میزائل نظام استعمال کیے گئے۔

ایرانی پاسدارانِ انقلاب نے بتایا کہ نشانہ بننے والے مقامات میں کویت کے بوبیان جزیرے پر امریکی فوج کے توپ خانے کے ٹھکانے، بحرین کے شمال میں امریکی پیٹریاٹ میزائل سسٹم، امریکی مارکس میزائلوں کے آپریٹرز کے اجتماع کی جگہ، متحدہ عرب امارات کے علاقے میں امریکی فوج کے سینئر کمانڈرز اور ٹرینرز کی میزبانی کرنے والا مقام اور متحدہ عرب امارات میں امریکی مصنوعی ذہانت کی کمپنی شامل ہیں۔

پاسدارانِ انقلاب کے مطابق اسرائیل سے وابستہ تجارتی جہاز کو بحرین کی خلیفہ بن سلمان بندرگاہ میں ایرانی گولہ بارود سے نشانہ بنایا گیا۔

پاسدارانِ انقلاب نے کہا کہ یہ آپریشن جاری ہے اور مزید جارحانہ کارروائیوں سے متعلق رپورٹس ایرانی عوام کے ساتھ شیئر کی جائیں گی۔