امریکا دھمکیاں دینا بند کرے، ایران کے مطالبات تسلیم کرے اور اسرائیل لبنان سے انخلا کرے تو جنگ ختم ہوسکتی ہے، ایران

تہران (صداۓ سچ نیوز) ایران کے پاسداران انقلاب کا کہنا ہے کہ امریکا کے ساتھ جنگ اس صورت میں ختم ہو سکتی ہے جب امریکا ایران کو دھمکیاں دینا بند کرے اور ایران کی شرائط تسلیم کر لے جن میں اس کے جوہری پروگرام میں مداخلت روکنا اور لبنان سے اسرائیل کا انخلا شامل ہے۔

ایرانی خبر رساں ایجنسی فارس کے مطابق پاسداران انقلاب کے ترجمان حسین محبی نے اپنے بیان میں واضح کیا کہ ’اگر دشمن اس صورتحال کا خاتمہ چاہتا ہے تو اسے جنگ کو مکمل طور پر روکنے کے ساتھ ساتھ نئی دھمکیوں سے باز رہنا ہوگا۔

اس کے علاوہ لبنان سے اسرائیلی فوج کا انخلا یقینی بنانا، یمن کا محاصرہ ختم کرنا، ایران کے 24 ارب ڈالر کے منجمد اثاثے بحال کرنا اور ملک کی جوہری و میزائل صلاحیتوں میں کسی بھی قسم کی مداخلت سے گریز کرنا ہوگا‘۔