ایرانی فوج کا خطے میں امریکی ایواکس طیاروں اور ری فیولنگ طیاروں پر ڈرون حملوں کا دعویٰ

تہران (صداۓ سچ نیوز) ایرانی فوج کے شعبۂ تعلقات عامہ کی جانب سے دعویٰ کیا گیا ہے کہ  فوج  نے خطے میں موجود امریکی عسکری تنصیبات ایواکس طیاروں اور ری فیولنگ جہازوں کے مقامات کو ڈرون حملوں کا نشانہ بنایا ہے۔

بیان میں کہا گیا کہ صہیونی حکومت اور امریکا کی جانب سے ایران کے رہائشی اور غیر عسکری علاقوں پر وحشیانہ فضائی حملوں کے جواب میں آج صبح سے ایرانی فوج نے ڈرون کارروائیوں کے ذریعے بن گوریون ائیرپورٹ پر موجود امریکی ایواکس اور ری فیولنگ طیاروں کے مقامات، ریڈار مراکز اور متحدہ عرب امارات میں موجود الیکٹرانک وارفیئر سائٹس کو نشانہ بنایا ہے۔

بیان میں مزید کہا گیا کہ اس حملے میں 2 ہزار کلومیٹر تک پرواز کرنے کی صلاحیت رکھنے والے جدید آرش 2 ڈرونز استعمال کیے گئے۔