پاسداران انقلاب کا آبنائے ہرمز میں امریکی ڈرون کشتی پر حملے کا دعویٰ

تہران (صداۓ سچ نیوز) ایران کے پاسدارانِ انقلاب نے دعویٰ کیا ہے کہ انہوں نے آبنائے ہرمز کے محفوظ علاقے میں داخل ہونے کی کوشش کرنے وای امریکی ڈرون کشتی کو نشانہ بنایا ہے۔

بیان کے مطابق پاسداران انقلاب کی نیول فورسز علاقے میں امریکی فوجی نقل و حرکت کی کڑی نگرانی کر رہی ہیں اور انہوں نے خبردار کیا ہے کہ کسی بھی مشکوک سرگرمی کا بھرپور جواب دیا جائے گا۔

پاسداران انقلاب نے آبنائے ہرمز کو اسلامی جمہوریہ ایران کے زیر انتظام ایک اسٹریٹجک آبی گزرگاہ قرار دیتے ہوئے واضح کیا کہ علاقے میں امریکا کی کسی بھی فوجی سرگرمی کو ’فیصلہ کن کارروائی‘ کا سامنا کرنا پڑے گا۔