سیکیورٹی فورسز کی خیبرپختونخوا میں مختلف کارروائیاں، بھارتی حمایت یافتہ 21 خوارج ہلاک

پشاور (صداۓ سچ نیوز) سیکیورٹی فورسز نے 3 سے 5 ستمبر کے دوران خیبرپختونخوا میں مختلف کارروائیاں کرتے ہوئے بھارتی حمایت یافتہ فتنہ الخوارج کے 21 دہشتگردوں کو ہلاک کردیا۔

آئی ایس پی آر کےمطابق سیکیورٹی فورسز نے 31 اگست اوریکم ستمبرکی درمیانی شب شمالی وزیرستان میں پاک افغان سرحد کے قریب کارروائی کی،جس کے دوران علاقے میں چھپے مزید 10 خوارج ہلاک ہوئے۔

آئی ایس پی آرکا کہنا ہےکہ مؤثر کارروائیوں کےنتیجے میں پاکستان میں دراندازی کی کوشش کرنے والے دہشتگردوں کو ناکام بنادیاگیا،جس کے بعد ہلاک دہشتگردوں کی مجموعی تعداد 25 ہوگئی۔

وزیرداخلہ محسن نقوی نے خیبرپختونخوامیں بھارتی اسپانسرڈ دہشتگردوں کیخلاف کامیاب آپریشنز پر سیکیورٹی فورسزکو خراج تحسین پیش کیا،کہاکےپی میں کامیاب کارروائیوں کےدوران  21 دہشتگردوں کی ہلاکت سیکیورٹی فورسز کی بڑی کامیابی ہے۔

وفاقی وزیرداخلہ  نےدہشتگردوں کےمذموم عزائم ناکام بنانے پرسیکیورٹی فورسزکی پیشہ وارانہ صلاحیتوں کو سراہا،کہاسیکیورٹی فورسز بھارتی اسپانسرڈ دہشتگردوں کےمکمل خاتمےکیلئےپرعزم ہیں،سیکیورٹی فورسز کے بہادر سپوت قوم کا فخر ہیں،قوم دہشت گردی کےخلاف جنگ میں سیکیورٹی فورسز کے ساتھ کھڑی ہے۔