پاسداران انقلاب کا آبنائے ہرمز میں دو سپر آئل ٹینکروں کو نشانہ بنا کر ناکارہ بنانے کا دعویٰ

تہران (صداۓ سچ نیوز) ایرانی پاسداران انقلاب نے آبنائے ہرمز میں 2 سپر آئل ٹینکروں کو نشانہ بنا کر ناکارہ بنانے کے دعویٰ کیا ہے۔

پاسداران انقلاب کے مطابق امریکی فوج نےبار بار کی ناکامیوں سے سبق نہیں سیکھا، امریکی فوج نے بعض بحری جہازوں کو غیر قانونی راستے پر جانے کے لیے اکسایا۔

بیان میں کہا گیا کہ  2 سپرآئل ٹینکروں نے امریکی دھوکے میں آکر اپنے نیویگیشن سسٹم بند کردیے، آئل ٹینکرز نے آبنائے ہرمز سکیورٹی کنٹرول سینٹر کی متعدد وارننگز  نظر انداز کیں جس سے جہازرانی کو خطرہ لاحق ہوا۔

پاسداران کے مطابق آئل ٹینکروں نے بارودی سرنگوں والے راستے سے گزرنے کی کوشش کی۔