آنیوالے دنوں میں سونے کی قیمتیں مزید گر سکتی ہیں، معروف جیولر سید عطا مہدی کا دعوی

راولپنڈی(صدائے سچ نیوز) راولپنڈی صرافہ بازار ایسوسی ایشن کے رکن و معروف جیولر سید عطا مہدی نے کہا ہے کہ اگر خلیج کی جنگ طول پکڑتی ہے تو آنیوالے دنوں میں سونے کی قیمتیں مزید گر جائیں گی. اس وقت بھی عالمی منڈی میں سونے کے رجحان میں کمی دیکھی جا رہی ہے، جس کے باعث پاکستانی مارکیٹ میں بھی سونے اور چاندی کی قیمتوں میں مسلسل کمی کا رجحان برقرار ہے۔

ان کا کہنا تھا کہ آنے والے دنوں میں سونے کی قیمتوں میں مزید کمی بھی دیکھنے میں آسکتی ہے۔ گولڈ پرچیزرز کے لیے یہ ایک اہم موقع ہو سکتا ہے۔

جو حضرات اس وقت سونا خریدنے کا ارادہ رکھتے ہیں، وہ موجودہ مارکیٹ پوزیشن کو مدنظر رکھتے ہوئے خریداری پر غور کر سکتے ہیں۔ حالیہ جنگ کے باعث سونے کی قیمتیں عالمی مارکیٹ اور دیگر عوامل کے باعث پاکستان میں بھی تیزی سے تبدیل ہو سکتی ہیں۔