لوٹن میں خالد جونوی کی میزبانی میں محفل، کمیونٹی رہنماؤں کو اعزازات پر مبارکباد

لوٹن (صداۓ سچ نیوز) خالد جونوی کی میزبانی میں گذشتہ شام دوست واحباب کی خوبصورت محفل کا انعقاد کیا گیا جس میں ان کے ذاتی دوست واحباب اور ساتھیوں نے بھرپور شرکت کی۔ تقریب میں پاک و کشمیر کی تازہ صورتحال مقامی سطح پر کمیونٹی کو درپیش چیلنج پر بھی تفصیلی تبادلہ خیال کیا گیا۔

شرکاء تقریب نے اجتماعی طور پر خالد جونوی کو ان کے صاحبزادے آدم محمود کی شادی کی مبارک کے ساتھ ساتھ یہاں موجود سابق میئر آف پیٹربرا محمد ایوب چوہدری کو کمیونٹی لیڈرشپ ایوارڈ اور ڈاکٹر اظہر چوہدری کو بادشاہ چارلس کی جانب سے حال ہی میں ملنے والے OBE اعزاز کی مشترکہ مبارکباد دیں اور ان کے لئے نیک خواہشات کا اظہار کیا گیا بعد ازاں ایک کیک بھی کاٹا گیا۔

شرکا تقریب میں سابق میئر راجہ اختر حسین، حاجی مظفر حسین، تنویر چنگپوری، چوہدری عنایت میراں، سابق کونسلر محمد اورنگزیب، وحید اکاؤنٹنٹ، محمد جاوید، محس رضا خالد پرویز کے پی، ساجد ملک راجہ ساجد سمیت لوٹن کی صحافتی برادری میں صدر احتشام الحق قریشی اسرار احمد راجہ فہیم عظیم اقدس مغل یاسر اقبال مغل
تھے۔