محسن نقوی کی ایرانی ہم منصب اسکندر مومنی سے 24 گھنٹے میں دوسری ملاقات

تہران (صداۓ سچ نیوز) وفاقی وزیر داخلہ سینیٹر محسن نقوی نے 24 گھنٹے میں دوسری بار ایرانی ہم منصب اسکندر مومنی سے ملاقات کی ہے۔

ایرانی میڈیا رپورٹ کے مطابق تہران میں محسن نقوی اور اسکندر مومنی کی ملاقات ہوئی ہے، جس میں دونوں ہم منصب کے درمیان موجودہ صورتحال پر مشاورت کی گئی۔

گزشتہ روز سہ پہر محسن نقوی ایک ہفتے میں اپنے دوسرے دورے پر تہران پہنچے تھے، انہوں نے ایرانی صدر مسعود پزشکیان سمیت ایرانی قیادت سے ملاقات کی تھی۔

یہ بھی پڑھیں: ایرانی حکومت اپنی مسلح افواج کے شانہ بشانہ کھڑی ہے، مسعود پزشکیان

پاکستانی وزیر داخلہ نے ایرانی صدر سے ایک ہفتے میں دو ملاقاتیں کی ہیں، وہ کل اسکندر مومنی اور پاسداران انقلاب کے کمانڈر انچیف جنرل احمد وحیدی سے بھی ملے تھے۔