سینئر پی پی رہنما سیدہ شہلا رضا کی سادات ہاوس گوجرخان آمد، خانوادہ سید نور حسین شاہ سے ملاقات

گوجر خان (صدائے سچ نیوز) پاکستان پیپلز پارٹی کی سینئیر رہنما سابق ڈپٹی سپیکر سندھ اسمبلی و موجودہ ممبر قومی اسمبلی سیدہ شہلا رضا اور پیپلز پارٹی راولپنڈی ڈویژن کے سیکرٹری جنرل ملک خالد نواز بوبی کی سادات ہاؤس گوجرخان آمد ، پیپلز پارٹی برطانیہ کے سینئیر رہنما سید شفاعت حسین شاہ اور سید شبیر عباس نے مہمانوں کو خوش آمدید کہا۔

اس موقع پر پیپلز پارٹی کے رہنما حمید درانی، عبدالرحمن توکلی، راجہ پرویز کیانی، قادر نواز قادری، تنویر اعوان، چوہدری مظہر، اختر اعوان ، بلاول کیانی اور دیگر بھی موجود تھے۔

شرکا سے بات چیت میں محترمہ شہلا رضا نے خانودہ سید نور حسین شاہ کی پیپلز پارٹی سے لازوال وابستگی اور بھٹو خاندان سے محبت کو شاندار الفاظ میں خراج تحسین پیش کیا اور کہا کہ پیپلز پارٹی ہی وہ واحد پارٹی ہے جو کارکن کو عزت اور مقام دیتی ہے اور غریب عوام کے حقوق کی بات کرتی ہے۔شہید بھٹو اور بی بی شہید نے اپنی جان اس ملک کے بسنے والے عام عوام کے دے دی مگر عوامی حقوق پر کبھی سودے بازی نہیں کی۔

ڈویثرنل سکریٹری جنرل ملک خالد نواز بوبی نے کہا کہ وہ پی پی پی کا پیغام عوام تک پہنچانے کے لیے اپنی تمام توانائیاں صرف کرہے ہیں اور انشااللہ ہم چیئرمین بلاول بھٹو زرداری صاحب کو عوامی قوت سے وزیراعظم بنا کر دم لیں گے۔ آخر میں تمام شرکا نے بہترین مہمان نوازی پر سادات صاحبان کا شکریہ ادا کیا۔