وزیراعظم سے ایم ڈی بیت المال کی ملاقات، سہولیات کی فراہمی اولین ترجیحات میں شامل ہے،محمد شہباز شریف

اسلام آباد (صداۓ سچ نیوز) وزیراعظم محمد شہباز شریف نے کہا ہے کہ مستحق اور نادار افراد کو بروقت سہولیات کی فراہمی حکومت کی اولین ترجیحات میں شامل ہے۔

انہوں نے ان خیالات کا اظہار مینجنگ ڈائریکٹر بیت المال کیپٹن (ر) شاہین بٹ سے گفتگو کرتے ہوئے کیا جنہوں نے وزیراعظم سے ملاقات کی۔بدھ کو پی ایم آفس کے میڈیا ونگ سے جاری بیان کے مطابق ملاقات میں ایم ڈی بیت المال نے وزیرِ اعظم محمد شہباز شریف کو ادارے کی کارکردگی بارے جائزہ پیش کیا۔

وزیرِ اعظم نے کہا کہ مستحق اور نادار افراد کو بروقت سہولیات کی فراہمی حکومت کی اولین ترجیحات میں شامل ہے۔ انہوں نے بیت المال میں درخواستوں پر عملدرآمد میں تیزی اور درخواست جمع کروانے کے طریقہ کار کو مزید سہل بنانے کی ہدایت کی۔