کلرکہار پریس کلب میں یومِ قائد کی مناسبت سے شاندار تقریب کا انعقاد

کلرکہار(نمائندہ صدائےسچ) یومِ قائد کے موقع پر تحصیل پریس کلب کلرکہار میں ایک پروقار تقریب کا انعقاد کیا گیا، تقریب میں کیک کاٹا گیا اور بابائے قوم کے بلندی درجات کیلئے دعا کی گئی۔

تفصیلات کے مطابق یومِ قائد کے موقع پر ہر سال کی طرح تحصیل پریس کلب میں منعقدہ پروقار تقریب کے مہمان خصوصی اسسٹنٹ کمشنر کلرکہار چوہدری محمد افضال، چیف آفیسر ایم سی کلرکہار محمد یاسر قیوم اورمنیجر صاف ستھرا پنجاب تحصیل کلرکہار محمد شاہد خان تھے۔

تقریب میں پہنچنے پر صدر تحصیل پریس کلب کلرکہار محمد عثمان اعوان، سیکرٹری جنرل ایم رحمن اور سیکرٹری انفارمیشن خلیل احمد شاکر و دیگر ممبران نے مہمانوں کا پرتپاک استقبال کیا۔

تقریب میں قائداعظم محمد علی جناح کے یوم پیدائش کی خوشی میں کیک کاٹا گیا اور بابائے قوم قائد اعظم محمد علی جناح رحمتہ اللہ علیہ کے بلندی درجات کیلئے دعا کی گئی۔

یہ بھی پڑھیں: شخصیت کی تابکاری، قوم کی بیداری

اس موقع پر اسسٹنٹ کمشنر کلرکہار نے کہا کہ قوم قائد اعظم محمد علی جناح کے احسانات کبھی نہیں اتار سکتی، ہمیں ان کے دلائے ہوئے خوبصورت تحفے کی قدر کرنی چاہیے۔

تقریب میں سرپرست اعلی ملک عبدالقدیر اعوان، نائب صدر عبدالرشید سانول، سینئر نائب صدر شہزادہ عبدالکریم، فنانس سیکرٹری راجا قمر عباس، ڈپٹی جنرل سیکرٹری ملک محمد عرفان، رابطہ سیکرٹری ملک رفیق انمول، جوائنٹ سیکرٹری ملک اسرار چلہ، ایگزیکٹو ممبر ملک عرفان شاہد اور پریس فوٹو گرافر سید معظم عسکری اور سماجی و کاروباری شخصیت ملک تصدق الحسن شامل تھے۔

شرکاء نے قائد اعظمؒ کی خدمات کو خراجِ تحسین پیش کرتے ہوئے ان کے سنہری اصولوں ایمان، اتحاد اور نظم پر عمل پیرا ہونے کے عزم کا اظہار کیا۔

تقریب کے اختتام پر ملک و قوم کی ترقی، خوشحالی اور استحکام کے لیے خصوصی دعا کی گئی، پریس کلب کی جانب سے مہمانان گرامی کا شکریہ ادا کیا۔