سیکیورٹی فوسز کے بلوچستان، خیبرپختونخوا میں خفیہ اطلاعات پر آپریشنز، 49 دہشتگرد ہلاک

سیکیورٹی فورسز نے خیبرپختونخوا اور بلوچستان میں خفیہ اطلاعات پر مشترکہ آپریشنز کے دوران 49 دہشتگردوں کو ہلاک کر دیا ۔

آئی ایس پی آر کے مطابق خیبرپختونخوامیں آپریشنز کے دوران بھارتی حمایت یافتہ 12خوارج مارے گئے، آپریشنزبنوں،شمالی وزیرستان،اورکزئی اور خیبر میں کئے گئے۔

بلوچستان میں سیکیورٹی فورسز نے فتنۃ الہندوستان کے 37 دہشتگرد ہلاک کر دئیے ، ان تمام دہشتگردوں کو مستونگ،مچھ،خضدار اور پنجگور میں 10 انٹیلی جنس بیسڈ آپریشنز کے دوران ہلاک کیا گیا ۔

آپریشنز کے دوران بھاری مقدار میں اسلحہ، بارود اور گولہ بارود برآمد کر لیا گیا ۔دہشتگردوں سےآئی ای ڈی، ریموٹ ڈیٹونیشن ڈیوائسز اور دھماکا خیز ڈرمز برآمد کیئے گئے۔

سیکیورٹی فورسز نے دہشت گردوں کی موٹر سائیکلیں بھی قبضےمیں لے لیں، دہشتگرد نیٹ ورکس کیخلاف کلیئرنس آپریشنز میں مزید خوارج کی تلاش جاری ہے۔

سیکیورٹی فورسز نے عزمِ استحکام کے تحت غیر ملکی سرپرستی میں دہشتگردی کے خاتمے کا عزم کا اظہار کیا ہے ۔ سیکیورٹی فورسز اور قانون نافذ کرنے والے اداروں نے آپریشنزتیز کرنے کا فیصلہ کیا ہے ۔