وزیراعظم کا قطری ہم منصب سے رابطہ، دوطرفہ تعاون اور مشرقِ وسطیٰ کی بدلتی ہوئی صورتحال پر گفتگو

اسلام آباد (صداۓ سچ نیوز) وزیراعظم شہباز شریف کا  قطری ہم منصب شیخ محمد بن عبدالرحمٰن بن جاسم آل ثانی  سے ٹیلی فونک رابطہ ہوا جس میں  دوطرفہ تعاون اور مشرقِ وسطیٰ کی بدلتی ہوئی صورتحال پر تبادلۂ خیال کیا گیا۔

دوران بات چیت پاکستان کی قیادت میں جاری امن کوششوں پر خصوصی توجہ مرکوز رہی ، وزیراعظم نے پاکستان کے امن اقدام کی حمایت پر قطر کا تہہِ دل سےشکریہ ادا کیا۔

وزیراعظم نے کہا کہ پاکستان تنازع کے پُرامن حل کے لیے مذاکرات، سفارت کاری سے اپنی بھرپورکوششیں جاری رکھے گا۔

یہ بھی پڑھیں: ایران پر بڑے حملے کیلئے تیار تھے، تاہم مختلف ممالک کی درخواست پرکارروائی روک دی ہے، امریکی صدر

دونوں رہنماؤں نے جنگ بندی برقرار رکھنے، مزید کشیدگی سے گریز کرنے اور خطےمیں امن و استحکام کی بحالی کے لیے بین الاقوامی کوششوں کےتسلسل کی اہمیت پربھی زور دیا۔