بھارتی آرمی چیف کی پاکستان کو دھمکی بالی ووڈ فلم کا ڈائیلاگ لگتے ہیں، عبید چوہدری

اسلام آباد( صدائے سچ نیوز)ممتاز سماج دوست شخصیت چیئرمین انجمنِ تاجران مرکز جی سیون محمد عبید چوہدری نے کہا ہے کہ قائداعظم کے پاکستان کی عزت افزائی اور پزیرائی سے بھارت کا سیخ پا ہونا فطری امر ہے ان شاء اللہ دفاعی میدان کے ساتھ اب پاکستان معاشی میدان میں بھی ایشیاء کا ٹائیگر بنے گا۔

یوم تکبیر کی مناسبت سے جاری بیان میں ان کا کہنا تھا کہ” ایٹمی پاکستان” 24 کروڑ محبان کو اپنی جان سے عزیز تر ہے۔ 28 مئی 1988 کو جوہری صلاحیت پانے کیبعد پاکستان نے جنوبی ایشیاء میں بھارتی چوہدارہٹ ختم کرکے طاقت کا توازن پیدا کیا ۔

محمد عبید چوہدری نے مزید کہا کہ بھارتی آرمی چیف جنرل اوپندرا دویدی کی پاکستان کو دنیا کے نقشے سے مٹادینے دھمکی نے جنوبی ایشیا میں پہلے سے موجود کشیدہ ماحول کو مزید خطرناک بنا دیا ۔ ذمہ دار فوجی سربراہ کی حیثیت سے ان سے توقع کی جاتی ہے کہ وہ تحمل، تدبر اور سفارتی زبان کا استعمال کریں گے مگر ان کے الفا کسی بالی ووڈکی سنسنی خیز فلم کے ڈائیلاگ لگتے ہیں ۔

مودی سرکار اور بھارتی آرمی چیف کو ذہن نشین رکھنا چاہیے اس کا سامنا ایٹمی قوت کے حامل ریاست سے ہے۔بھارت نے دوبارہ جارحیت کی تو اس بار 10 مئی 2025 سے زیادہ سخت جواب ملے گا ۔

عبید چوہدری نے یوم تکبیر کی 28 ویں سالگرہ پر میاں نوازشریف اور مسلم لیگی قیادت کو مبارک باد دی اور وزیراعظم میاں شہبازشریف سے مطالبہ بھی کیا کہ وہ 28 مئی 1998 اور 10 مئی 2025 سے جڑے واقعات کو قومی نصاب کا حصہ بنائیں ۔