ایران، امریکا مذاکرات اگلا دور حج کے بعد اسلام آباد میں ہوگا، عرب میڈیا

عرب میڈیا نے دعویٰ کیا ہے کہ ایران اور امریکا کے درمیان معاہدے کے مسودے کو حتمی شکل دینے کیلئے سنجیدہ کوششیں جاری ہیں۔

عرب میڈیا کی رپورٹ کے مطابق ایران اور امریکا کے درمیان مذاکرات کا اگلا دور حج کے بعد اسلام آباد میں ہوگا، تاہم سرکاری طور پر اس کی اب تک تصدیق نہیں ہوسکی ہے۔

میڈیا رپورٹ کے مطابق ایران اور امریکا کے درمیان معاہدے کے مسودے کو حتمی شکل دینے کےلیے سنجیدہ کوششیں جاری ہیں۔

رپورٹ کے مطابق پاکستان کی اہم شخصیت کل ایران کا دورہ کرسکتی ہے، پاکستانی اہم شخصیت کے دورے کے دوران اعلان کیا جاسکتا ہے کہ معاہدے کا حتمی مسودہ مکمل ہوگیا ہے۔

یہ بھی پڑھیں: امریکا ایران مذاکرات، معاہدے کے حتمی نکات کا اعلان جلد متوقع

واضح رہے وفاقی وزیر داخلہ محسن نقوی 24 گھنٹوں کے دوران دوسری بار اہم دورے پر تہران پہنچے ہیں، جہاں انہوں نے امریکا ایران مذاکرات سے متعلق ایرانی قیادت سے ملاقاتیں کی ہیں۔