خیبرپختونخوا میں ایمرجنسی لگانا آخری حل ہے جو آئین نے دیا ہوا ہے، وفاقی وزیر رانا تنویر

اسلام آباد (صداۓ سچ نیوز) وفاقی وزیر برائے نیشنل فوڈ سکیورٹی رانا تنویر نے میڈیا سےگفتگو میں کہا کہ صوبائی حکومت کی آئینی ذمہ داری ہےکہ دہشت گردی کےخلاف کارروائی کرے۔

بدقسمتی سے خیبرپختونخوا حکومت کی طرف سے وفاق کو تعاون نہیں مل رہا، لگتا ہےخیبرپختونخوا حکومت کا دہشت گردوں،کالعدم ٹی ٹی پی کے لیےکہیں نہ کہیں نرم گوشہ ہے، ان تمام مسائل کا سب سے آسان حل صرف مذاکرات ہیں۔

رانا تنویر کا کہنا تھا کہ جب 2018 میں پی ٹی آئی حکومت بنی اس کے بعد سے ان کا رویہ ہٹ دھرمی والاہے، بانی پی ٹی آئی دور  میں دہشت گردوں کو جیلوں سے نکالا گیا، دوبارہ آباد کرنا غلط فیصلہ تھا، اگر  آپ دہشت گردوں کو جیلوں سے رہا کریں گے یا آبادکریں گے تو اس سے زیادہ کرمنل ایکٹ کیا ہوسکتا ہے۔