شادی کی تقریب پر امریکی بمباری کا انتقام لیا جائے گا، ایرانی پاسداران انقلاب کا اعلان

تہران (صداۓ سچ نیوز) ایرانی پاسداران انقلاب کا کہنا ہے کہ امریکی سینٹرل کمانڈ جنگی جرائم میں ملوث ہے، شادی تقریب پر بمباری کرنے والوں کو انصاف کے کٹہرے میں لایا جائے۔

پاسداران انقلاب نے اپنے بیان میں کہا ہے کہ سیریک میں شادی کی تقریب پر امریکی حملے میں 4 افراد شہید ، 70 زخمی ہوئے جبکہ 7 کی حالت نازک ہے۔

ایرانی  پاسداران انقلاب کا کہنا ہے کہ  امریکی فوج اور حکام جرم تسلیم کرنے سے انکاری ہیں، شادی کی تقریب پر امریکی بمباری کا انتقام لیا جائے گا،  امریکی دعویٰ مضحکہ خیز ہے کہ ایرانی شہریوں پرحملہ نہیں کیا۔

بیان میں کہا گیا کہ امریکی رہنماؤں نے معافی کے بجائے جھوٹ بولنے کا راستہ اختیار کیا۔