شمالی یمن میں غذائی قلت کی وجہ سے قحط کا خطرہ ہے،اقوام متحدہ نے خبردار کردیا

اقوام متحدہ نے اپنی تازہ رپورٹ میں خبردار کیا ہے کہ شمالی یمن میں غذائی قلت شدت اختیار کر رہی ہے، جس کے باعث قحط کا سنگین خطرہ پیدا ہو گیا ہے۔

رپورٹ کےمطابق یمن کی معاشی صورتحال انتہائی خراب ہوچکی ہےجبکہ فنڈزکی شدیدکمی اور بگڑتے حالات کےباعث لاکھوں افرادکی زندگیاں خطرےمیں ہیں،اگرفوری اورمؤثر عالمی امداد فراہم نہ کی گئی تو غذائی قلت کی صورتحال خطرناک حد تک بگڑسکتی ہے۔

یہ بھی پڑھیں: 2027 انسانی تاریخ کا سب سے زیادہ گرم سال ثابت ہوسکتا ہے،عالمی موسمیاتی ادارے نے خبردار کر دیا

اقوام متحدہ نےشمالی یمن کےلیےفوری انسانی امدادکی اپیل کرتےہوئےکہا ہے کہ موجودہ حالات میں متاثرہ علاقوں کوہنگامی بنیادوں پرمددکی ضرورت ہے،اگرصورتحال یہی رہی تو 2026 تک شمالی یمن میں خوراک کا بحران مزید سنگین ہوسکتا ہے۔

عالمی ادارے کے مطابق امدادکی عدم فراہمی کی صورت میں خطے میں قحط کے اثرات مزید وسیع ہو سکتے ہیں اور انسانی بحران شدت اختیار کر سکتا ہے۔