لاہور میں ای چالان نادہندہ گاڑیوں کےخلاف کریک ڈاؤن جاری

لاہور (صداۓ سچ نیوز) لاہور میں ای چالان نادہندہ گاڑیوں کے خلاف کریک ڈاؤن جاری ہے، جس کے تحت ٹریفک پولیس نے گلبرگ کے علاقے میں کارروائی کرتے ہوئے بھاری جرمانوں کی نادہندہ ایک لگژری گاڑی کو تحویل میں لے لیا۔

ٹریفک پولیس کے مطابق گاڑی کا ریکارڈ چیک کرنے پر مجموعی طور پر 53 ای چالان سامنے آئے، جبکہ گاڑی کے ذمہ 1 لاکھ 25 ہزار 600 روپے کے جرمانے واجب الادا تھے۔

حکام کے مطابق گاڑی کے مالک نے 13 مرتبہ سگنل کی خلاف ورزی، 32 مرتبہ لین لائن کی خلاف ورزی اور 8 مرتبہ اوور اسپیڈنگ کی تھی، جس کے باعث متعدد ای چالان جاری کیے گئے تھے۔

یہ بھی پڑھیں: خراب شہرت رکھنے والا جج عدالتی منصب پر برقرار نہیں رہ سکتا، سپریم کورٹ

ٹریفک پولیس نے موقع پر واجب الادا جرمانہ وصول کرنے کے بعد گاڑی کو چھوڑ دیا۔

اس حوالے سے سی ٹی او لاہور کا کہنا ہے کہ ای چالانز کی ادائیگی نہ کرنے والی گاڑیوں کے خلاف کارروائیاں مسلسل جاری ہیں۔