آبنائے ہرمز میں 20 لاکھ بیرل سے زائد تیل لے جانے والا ایک اور ٹینکر بارودی سرنگ سے ٹکرا گیا، ایرانی پاسداران انقلاب

تہران (صداۓ سچ نیوز) ایرانی پاسداران انقلاب کی بحریہ کی جانب سے جاری بیان میں کہا گیا ہےکہ آبنائے ہرمز میں ایک اور بڑے تیل بردار جہاز کو سمندری بارودی سرنگ سے ٹکرانےکے بعد آگ لگ گئی۔ اس جہاز میں 20 لاکھ بیرل سے زیادہ خام تیل موجود تھا۔

پاسداران انقلاب کے مطابق گزشتہ 24 گھنٹوں کے دوران اس نوعیت کا یہ دوسرا واقعہ ہے۔

پاسداران انقلاب کا کہنا ہےکہ سپر آئل ٹینکر نے اپنے ٹریکنگ سسٹم بند کر رکھے تھے اور وہ ممنوعہ علاقے سےگزرنے کی کوشش کر رہا تھا، اسے امریکی فوج نے گمراہ کرکے اس راستے سے گزرنے پر آمادہ کیا تھا۔

پاسداران انقلاب کی بحریہ نے واضح کیا ہےکہ آبنائے ہرمز بند ہے، ایران کے مقرر کردہ ضوابط کی خلاف ورزی کرتے ہوئے یہاں سےگزرنے کی کوشش کرنے والے جہازوں کو سنگین نتائج کا سامنا کرنا پڑےگا۔