خام تیل کی قیمتوں میں نمایاں اضافے کے باوجود مہنگائی قابو میں ہے، گورنر اسٹیٹ بینک

اسلام آباد (صداۓ سچ نیوز) گورنر اسٹیٹ بینک جمیل احمد کا کہنا ہے کہ خام تیل کی قیمتوں میں نمایاں اضافے کے باوجود مہنگائی قابو میں ہے، ملکی زرمبادلہ ذخائر 21.5 ارب ڈالر ہوگئے ہیں۔

گورنر اسٹیٹ بینک نے آئی ایم ایف اور ورلڈ بینک کے سالانہ اجلاسوں میں شرکت  کی اور پاکستان میں معاشی استحکام پر بیرونی سرمایہ کاروں کو بریفنگ دی۔

انہوں نے کہا کہ پاکستان نے محتاط پالیسیوں اور اصلاحات سے معاشی استحکام حاصل کیا، معاشی استحکام کے تحفظ اور پائیدار نمو کیلئے اصلاحات جاری رہیں گی۔

گورنر اسٹیٹ بینک نے مزید کہا کہ معاشی استحکام نے پاکستان کو ملکی اور بیرونی دھچکوں کا مقابلہ کرنے کی صلاحیت دی ہے، آئی ایم ایف کے ساتھ اسٹاف لیول معاہدہ ہوگیا، کریڈٹ ریٹنگ بہتر ہوئی ہے۔