سوات میں مسلم لیگ (ن) کا جلسہ، اسٹیج پر لگی سیڑھی ٹوٹنے سے متعدد کارکن زخمی

سوات (صداۓ سچ نیوز) مینگورہ سوات میں مسلم لیگ (ن) کے جلسے کے دوران اسٹیج پر لگی سیڑھی ٹوٹ گئی۔

خیبرپختونخوا میں گورنر راج کے نفاذ کے بعد مسلم لیگ (ن) نے مینگورہ کے نشاط چوک میں جلسے کا انعقاد کیا تھا، جلسے کے دوران اسٹیج پر لگی سیڑھی ٹوٹ گئی، حادثے میں متعدد کارکنان زخمی ہوئے۔

جسلے سے مسلم لیگ ن کے سینئر رہنما امیر مقام نے خطاب کیا تھا، امیر مقام نے کہا کہ پختونوں کے نام نہاد نمائندوں کی حیثیت11 اکتوبر کو معلوم ہوگئی، عوام نے ریفرنڈم کرکے اس ٹولے کو مسترد کردیا، خیبرپختونخوا کے لوگ ان نااہلوں کے جانے پر جشن منا رہے ہیں۔

امیر مقام نے کہا کہ گورنر راج لگانے پر وہ لوگ احتجاج کی دھمکیاں دیتے تھے، لوگوں نے نالائقوں کے جانے پر مٹھائیاں تقسیم کیں، خیبر پختونخوا کے عوام نے انہیں مسترد کردیا ہے۔