ایران سے جوہری پروگرام دوبارہ شروع نہ کرنے کی ٹھوس ضمانت چاہتے ہیں، امریکا

واشنگٹن (صداۓ سچ نیوز) امریکا نے ایران سےجوہری پروگرام دوبارہ شروع نہ کرنے کی ٹھوس ضمانت طلب کرتے ہوئے کہا ہے کہ بعض پہلوؤں سے امریکا ایران کے خلاف جنگ فیصلہ کن طور پر جیت چکا ہے۔

نائب امریکی صدرجےڈی وینس کاکہنا ہےکہ امریکا نےجنگ میں اہم کامیابیاں حاصل کی ہیں، تاہم دشمن کے پاس اب بھی ایسے وسائل اور صلاحیت موجود ہے جس کے ذریعے وہ فیصلوں پر اثرانداز ہوسکتا ہے۔

جے ڈی وینس نےاعتراف کیا کہ امریکا میں پٹرول کی قیمتیں فی الحال بہت زیادہ ہیں، تاہم انہیں توقع ہے کہ ایران تنازع ختم ہونے کے بعد قیمتوں میں کمی آئے گی۔

نائب امریکی صدر نے 2028 کے صدارتی انتخابات میں حصہ لینے سے متعلق بھی واضح کیا کہ انہوں نے ابھی اس حوالے سے کوئی فیصلہ نہیں کیا۔

امریکی نائب صدر نےفرانس میں ہنگاموں کا الزام تیسری دنیا کے باشندوں کی امیگریشن پرلگادیا،کہا کہ مغربی لبرلزنے تنوع کے نام پر تیسری دنیا کے لوگوں کو فرانس میں آباد کیا،مغربی لبرلز نے تارکین وطن کے معاشرتی انضمام اور ثقافتی مطابقت کے سوالات نظراندازکیے، امریکی عوام فرانس کے حالات سے سبق سیکھیں،ڈیموکریٹس امریکا کو بھی اسی مستقبل کی طرف لے جانا چاہتے ہیں