لاہور کےسرکاری اسکولزمیں نویں جماعت کےمایوس کن نتائج، 61 فیصد طلبا فیل

لاہور (صداۓ سچ نیوز)لاہور بورڈ نے نویں جماعت کے امتحانات کے نتائج کا اعلان کردیا،جس میں سرکاری اسکولز کے نتائج نے تعلیمی کارکردگی پر سوالات اٹھا دیے۔

لاہور کےسرکاری اسکولز کے صرف 39 فیصد طلبا نویں جماعت کا امتحان پاس کرسکے،جبکہ 61 فیصد طلبا فیل ہوگئے،سرکاری اسکولز کے 72 فیصد لڑکے اور 52 فیصد لڑکیاں امتحان میں کامیاب نہ ہو سکیں۔

سرکاری اسکولز کے مقابلے میں نجی اسکولز کےنتائج نمایاں طور پر بہتر رہے،جہاں 70 فیصد طلبا کامیاب ہوئے، لاہور بورڈ میں مجموعی طورپر 46 فیصد طلبا نویں جماعت کا امتحان پاس کر سکے، لاہور بورڈ کے تحت مجموعی طور پر 2 لاکھ 80 ہزار 676 طلبا نےامتحان دیا،جن میں سے 1 لاکھ 30 ہزار 543 طلبا کامیاب قرار پائے۔