ممبئی میں طوفانی بارش سے نظامِ زندگی مفلوج، نشیبی علاقے زیرِ آب

ممبئی (صداۓ سچ نیوز) بھارتی شہرممبئی میں طوفانی بارش نے نظامِ زندگی مفلوج کر دیا۔ چند گھنٹوں کے دوران تقریباً 200 ملی میٹر بارش ریکارڈ کی گئی، جس کے باعث شہر کے متعدد نشیبی علاقے زیرِ آب آ گئے۔

بھارتی میڈیا رپورٹس کے مطابق شدیدبارش کےباعث کئی مقامات پر درخت اوردیواریں گرگئیں، جبکہ متعدد مکانات کو بھی نقصان پہنچا،مختلف علاقوں میں سڑکیں دھنسنے کےواقعات پیش آئے، جس سے ٹریفک کا نظام شدید متاثر ہوا۔

میڈیا رپورٹس کے مطابق بارش کے باعث مقامی ٹرینوں کی آمدورفت بھی متاثر ہوئی، جس سے ہزاروں مسافروں کو مشکلات کا سامنا کرنا پڑا۔

دوسری جانب پونےمیں لینڈ سلائیڈنگ کے واقعات بھی رپورٹ ہوئے،جس کے نتیجے میں متعدد رابطہ سڑکیں متاثر ہوئیں،ریسکیو حکام نے سیلاب سے متاثرہ علاقوں سے شہریوں کو محفوظ مقامات پر منتقل کر دیا۔