یواین سیکرٹری جنرل کی پاکستان آمد، تمام مسائل مذاکرات سے حل کرنے پر زور

اسلام آباد (صداۓ سچ نیوز) نائب وزیراعظم اسحاق ڈار اور اقوام متحدہ کےسیکریٹری جنرل انتونیو گوتریس نے اسلام آباد میں مشترکہ پریس کانفرنس کی،جس میں عالمی اور علاقائی صورتحال پر گفتگو کی گئی۔

نائب وزیراعظم اسحاق ڈار نےکہاہم سیکرٹری جنرل اقوام متحدہ کاگرمجوشی سےاستقبال کرتےہیں، مصروفیات کےباوجود ہماری دورےکی دعوت کوقبول کیا،یہ کثیرالجہت معاملات کوحل کرنے کے ہمارے مشترکہ عزم کی عکاسی ہے،انتونیو گوتریس پاکستان کے نہایت قریبی دوست ہیں، 2012 کے تباہ کن سیلابوں میں انتونیوگوتریس نےپاکستان کی بےحد مدد کی۔

نائب وزیراعظم اسحاق ڈار نےکہاکہ دنیا بھر کی صورتحال انتہائی پیچیدہ ہے،ایران امریکاکشیدگی، حوثیوں اور باب المندب سمیت متعدد مسائل کاسامنا ہے،کئی معاملات پراقوام متحدہ کی قراردادیں موجود ہیں، تاہم اصل مسئلہ ان پرعملدرآمد کا ہے،مسئلہ کشمیر بھی انہی میں شامل ہے، قراردادوں پر عمل نہ ہونے کی صورت میں سزا اور جزا کا نظام طے کرنا ہوگا۔

اس موقع پراقوام متحدہ کےسیکریٹری جنرل انتونیو گوتریس نےکہا کہ تمام مسائل مذاکرات اور بات چیت کےذریعے حل کیےجاسکتے ہیں، انکا دفتر اس حوالے سے ہر وقت حاضر ہے۔

اسحاق ڈار نےکہاکہ ایران پراسرائیلی حملے کے فوری بعد پاکستان پہلا ملک تھا جس نےحملےکی مذمت کی، پاکستان امن،سلامتی، مذاکرات اورکثیرالجہتی نظام پر یقین رکھتا ہے،اسلام آباد میں مفاہمتی کوشش کےذریعے 47 برس سے ایک ساتھ نہ بیٹھنے والے فریقین کو ایک چھت تلے بٹھایا گیا۔