حزب اللہ کا جنوبی لبنان میں اسرائیلی ٹینک پر حملہ، ایک اسرائیلی فوجی افسر ہلاک

جنوبی لبنان (صدائے سچ نیوز) جنوبی لبنان میں گزشتہ روز اسرائیلی ٹینک پر حزب اللہ کے گائیڈڈ میزائل حملے میں ایک اسرائیلی فوجی افسر ہلاک ہوگیا۔ 

اسرائیلی فوج کے مطابق  ہلاک ہونے والے افسر کی شناخت 21 سالہ کیپٹن ایتان شمویل لیمبرگ کے نام سے ہوئی ہے، جو ساتویں آرمرڈ بریگیڈ کی 75ویں بٹالین سے تعلق رکھتا تھا۔

یہ بھی پڑھیں: جنگ بندی کے باوجود اسرائیل کی لبنان پر بمباری جاری، اسپتال کو بھی نقصان پہنچا

اسرائیلی فوج کے مطابق مقامی وقت کے مطابق شام تقریباً 4 بجے حزب اللہ کے ایک جنگجو نے دریائے لیتانی کے شمال میں آپریشن میں مصروف ایک اسرائیلی ٹینک کو اینٹی ٹینک میزائل سے نشانہ بنایا جس کے نتیجے میں کیپٹن لیمبرگ ہلاک ہو گیا۔