امریکا ناکہ بندی اور جارحیت بند کردے تو آبنائے ہرمزکھول دی جائےگی، ایرانی صدر

تہران (صداۓ سچ نیوز) ایران کے صدر مسعود پزشکیان کا کہنا ہے پیرکو مسقط میں ایران اور عرب ممالک کے وزرائے خارجہ کےاجلاس ہوگا، اجلاس میں عمان ایران معاہدے پر دستخط ہوں گے۔

برکس اجلاس کے لیے انڈیا میں موجود ایرانی صدر نے کہا کہ اجلاس میں وہ تمام ممالک شریک ہوں گے جن کی سرزمین سے ہم پر حملہ کیا گیا تھا، امریکا ناکہ بندی اور جارحیت بند کردے تو آبنائے ہرمزکھول دی جائےگی۔

انہوں نے کہا کہ امریکا کو ناکہ بندی اور پابندیاں ختم کرنی چاہئیں، امریکا جنگ کے ذریعے اپنے اہداف حاصل کرنے میں ناکام رہا تو ناکہ بندی کا قدم اٹھایا، سمندری راستہ کوئی ایسا راستہ نہیں جس پر ہماری زندگی کا مکمل انحصار ہو، امریکا اپنےاس طریقے میں بھی کامیاب نہیں ہوگا۔